O‘zbekistonda xizmat ko‘rsatgan artist Ziyoda yaqindagina muxlislarini "Tamara" nomli taronasi bilan quvont irgan edi. Oradan ko‘p o‘tmay, u muxlislariga manzur kelgan ushbu musiqiy asar uchun videoklip suratga oldirdi.

San’atimizda o‘z o‘rni va muxlislariga ega bo‘lgan Farhod va Shirin shu kunlarda yangi qo‘shiq va kliplar ustida ish olib borishmoqda. Ulardan biri "Dardli" nomli qo‘shiq uchun yaratilayotgan bo‘lsa, ikkinchi tarona nomi hozircha sir tutilmoqda. "9999" studiyasi klipmeykerlari tomonidan yaratilayotgan kliplarda ijodkorlar bir nechta takrorlanmas obrazlarda namoyon bo‘lishadi. Farhod va Shirin tez kunda ketma ket premera qilinadigan video asaridagi obrazlari borasida stilist Lidiya Andre bilan hamkorlik qilishdi. Demak, yaqinda sevimli ijodkorlaringizdan yangi qo‘shiq va kliplar taqdimotini kutib qoling.

Mahoratli kinorejissyor Jahongir Ahmedov 5 o‘g‘li urushdan qaytmagan ona haqida film suratga oladi. Bu haqida uning o‘zi ijtimoiy tarmoqlarda ma’lum qildi. Mazkur filmning ishchi nomi "Ilhaq" deb nomlanadi. "O‘zbekkino" Milliy agentligi buyurtmasiga binoan tasvirga tushiriladigan kartinada Zulfiya aya Zokirovaning taqdiri, ikkinchi jahon urushidan qaytmagan besh farzandi haqida hikoya qilinadi. Film ssenariysi kinorejissyor Jahongir Ahmedov va Hasan Toshxo‘jayev tomonidan yozilgan. Film prodyuseri esa Zafar Yo‘ldoshev.

"Last media" prodyuserlik markazi, prodyuser Nilufar Xudoyberdiyeva boshchiligida xabaringiz bor, shu kunga qadar bir qator kartinalar bilan kino ixlosmandlarini quvontirib keladi. Ma’lumotlarga qaraganda ular yana bir katta loyihaga qo‘l urishgan. Mazkur loyiha tez kunda s’yomka jarayonlariga start beriladigan navbatdagi filmdir. Ayni damda tayyorgarlik jarayonlari qizg‘in olib borilayotgan kartina "Millioner kuyov" deb nomlanadi. Ushbu markaz "Millioner kelin" kartinasini taqdim qilib, tomoshabinlarga a’lo kayfiyat ulashgan edi. Ko‘pchilikka manzur kelgan kinofilmdan so‘ng, ular mazkur yangi kinokartinaga qo‘l urishgan bo‘lsa ajab emas. Tez kunda tasvirga olish jarayonlari va ijodiy jamoa haqida qiziqarli ma’lumotlarni kutib qoling.

O‘zbekiston va Janubiy Koreya xalqlarini qadimiy do‘stlik rishtalari bog‘lab turadi. Ikki xalqning madaniyati va mentaliteti bir-biriga o‘xshash. Xalqimiz ko‘plab Koreya seriallari orqali ularning urf-odatidan, turmush tarzini yaxshi bilishadi. 24 iyun kuni “O‘zbekkino” Milliy agentligiga Janubiy Koreya davlatidan “Kino san’ati” akademiyasi Bosh direktori Briyen Kim rahbarligida bir guruh koreyalik kino sohasi vakillaridan iborat delegatsiya tashrif buyurdi. Mehmonlarni O‘zbekiston Kinoarboblari uyushmasi raisi Matyoqub Matchonov samimiy qabul qilib, xalqlarimiz o‘rtasidagi do‘stlik munosabatlari tobora mustahkamlanib borayotganini ta’kidladi.
Ushbu uchrashuvda tomonlar ayni paytdagi kino sohasidagi hamkorlikni yanada rivojlantirish uchun mavjud imkoniyat va salohiyatdan to‘liq foydalanish uchun kelishib olishdi. Endilikda koreyalik kinoijodkorlar bilan suratga olinajak filmlar ham davomli bo‘ladi deb umid qilamiz.

Bir nechta yangi filьmlar, seriallar suratga olib, xalqimizga taqdim qilayotgan serqirra ijodkor Ahad Qayumning yana bir kartinasi katta ekranlar yuzini ko‘rish arafasida. Uning navbatdagi filьmi "Ayol makri" deb nomlanadi. Kartinada bir qator xalqimiz sevgan aktyor va aktrisalar bilan birga yangi chehralarni ham ko‘rishingiz mumkin. Kinokartinada Ahad Qayum, Feruza Normatova, Feruza Mustaeva, Mehribon Rahmatov, Mashxura Zulfiqorova, Zarnigor Usmonova va boshqalar qatnashishgan. O‘ylaymizki, ushbu filьm tomoshabinlarga manzur keladi. Ijodiy guruhga omad tilagan holda premьerani kutib qolamiz.

Xushovoz xonanda Abduvali Rajabov shu kunlarda muxlislarini xushnud etish niyatida yangi g‘oyalar, shuningdek, bir nechta yangi loyihalar ustida ish olib bormoqda. Ana shunday loyihalardan biri yaqin kunlari premьerasi kutilayotgan navbatdagi qo‘shiq namoyishidir. Xonandaning hozircha nomi sir tutilayotgan musiqiy asari deyarli tayyor. Katta umidlar bilan yozilgan qo‘shiq tinglovchilarni befarq qoldirmasligi shubhasiz. Abduvali Rajabov mazkur ijod mahsulini bastakor Jamshid Shodiev va musiqiy bezakchi Jamshid Gaffaroq bilan hamkorlikda yaratmoqda. Demak, premьera yaqin. Kutamiz va xonandaga omad tilab qolamiz.

збекистонда хизмат кўрсатган артист Тўлқин Жабборов яқиндагина янги "Шеваларингдан" номли мусиқий асари учун видеоклип тасвирга олдирган эди. Кайфиятни кўтарадиган, ҳазиломуз тарзда яратилган клип ваъдага мувофиқ ҳавола қилинди. Нозим Толипов билан ҳамкорликда суратга туширилган видеоклип трек ва сюжетни ўз ичига олган. Унда бош ролларни хонанда билан бирга истеъдодли актрисалар ижро қилишган.
Қўшиқ муаллифларига тўхталадиган бўлсак, cўзи Адолат Полвонова қаламига мансуб. Бастакор Руслан Мавлонов. Ушбу қўшиқ ва клип мавсумнинг ёрқин ижод намуналаридан бирига айланиши ва халқимизга манзур келиши кутилмоқда.

Серқирра ижодкорлар Ойбек ҳамда Нигора ниҳоят мухлисларини янги ижод маҳсули билан қувонтиришди. Улар халқимизни бир вақтнинг ўзида икки карра хушнуд этиш ниятида ҳам қўшиқ ҳам клипни бир кунда намойиш қилишни лозим топишди. "Ҳай ҳай" номли мазкур ижод маҳсули илк куннинг ўзидаёқ ижобий фикрлар билан қарши олиниб, ўз тингловчиларини топишга ҳам улгурди. Тарона Элдор Қаюмов сўзи ва мусиқаси, Тимур Раҳманов аранжировкаси билан ёзилган. Клип режиссёри эса Дилмурод Каримов. Тасвирчи Муслимбек Ризо. Унда бош ролни Ойбек ҳамда Нигора ижро қилган.

Ўзбекистон халқ артисти Исмоил Жалилов бадиий раҳбарлигидаги Ўзбекистон миллий симфоник оркестри иштирокида юртимизнинг бешта шаҳрида – “SAHRO SIMFONIYASI” номли катта мусиқий лойиҳа ўтказилмоқда. Жорий йилнинг 18-27 июнь кунлари бўлиб ўтадиган мазкур мусиқий дастур 18 июнь куни Қорақалпоғистон Республикаси Нукус шаҳрида жойлашган И.В.Савицкий давлат санъат музейи ёнидаги марказий майдонда бошланди. Концерт дастурлари 20 июнь куни Хива, 23 июнь куни Термиз, 25 июнь куни Қарши ва 27 июнда Шаҳрисабз шаҳарларининг тарихий ва санъат майдонларида давомланади.