Sifatli.Uz - Yangi musiqa, yangi filmlar, tarjima qilingan filmlar, o'zbek tilidagi filmlar, kompyuter dasturlari, Android ilovalari, turk musiqasi, rus musiqasi, rus musiqasi, xorijiy musiqa, tojik musiqasi, qozoq musiqasi, Ayollar, erkaklar, aperatiflar, salatlar, pirojkalar, pishirish, pirojnoe, retseptlar, yo'riqnomalar va boshqa eng ommabop maqolalar, telefon qo'ng'iroqlari, telefon o'yinlari, kompyuter o'yinlari, oyna dasturlari...

O‘zbekistondagi IT sohasiga ixtisoslashgan Inha, Amity va Toshkent axborot texnologiyalari universitetlari talabalarining 30 foizini qizlar tashkil etmoqda. Bu haqda 13-may kuni o‘tkazilgan “O‘zbekiston qizlarining raqamli imkoniyatlarini kengaytirish” forumida Prezident ta’lim muassasalari agentligi direktori Hilola Umarova ma’lum qildi, deya xabar bermoqda “Daryo” muxbiri. Hilola UmarovaFoto: Innovatsiya, texnologiya va strategiya markaziHilola Umarovaning aytishicha, IT bo‘yicha tahsil olayotgan talaba qizlar soni so‘ngi 6 yilda 9 barobar oshgan.“Qizlarda IT sohasiga bo‘lgan qiziqish yildan yilga oshib bormoqda. Bunga misol sifatida 6 yil ilgari Toshkent shahrida ochilgan Inha universitetida qizlar ulushi 3 foiz bo‘lganini aytish mumkin. Hozir esa bu raqam 9 barobar oshgan. 5-6 yil oldin IT texnologiyalar desak, qizlar va ota-onalarda bu soha erkaklar uchun, degan stereotip bo‘lgan. Ertaga kompyuter tuzatadimi, degan mazmundagi ko‘p savollar ham berilardi. Bugun esa bu qarashlar o‘zgardi. Qizlarimiz ko‘zlari yonib, ITni o‘rganmoqda. Hozirga kelib IT sohasida ayollar ishtiroki 30 foizga yetdi. Xususan, ITga ixtisoslashgan Inha, Amity, Toshkent axborot texnologiyalari universitetlari talabalarining 30 foizini qizlar tashkil etmoqda. Bu davlat rivoji uchun katta yutuq. Sababi tahlil qilganimizda qizlarda yigitlarga nisbatan ijodiy yondashuv kuchli bo‘ladi. Ular mukammalroq ijod qila oladilar”, –  dedi agentlik rahbari.Tadbirda Hilola Umarova axborot texnologiyalarini qizlar uchun qulay jihatlariga ham to‘xtalib o‘tdi.“ITni hunar desak ham bo‘ladi. Bugun raqamli texnologiyalar barcha sohalarga kirib boryapti. Qizlar bu yo‘nalishni tanlasam qanday bo‘ladi, degan savolni ko‘p berishadi. Aytishim kerakki, bu soha qizlar uchun juda qulay. Birinchidan, kunlik belgilangan vaqt talab qilinmaydi, bemalol bo‘lasiz. Ya’ni qaysi vaqtda ishlashni o‘zingiz hal qilasiz. Ikkinchidan, bu yo‘nalishdagi mutaxassislar eng yuqori oylik-maosh olishadi. Uchinchidan, olgan bilimingizni bolalaringizga ham o‘rgata olasiz. Yana bir muhim jihat, IT doimiy ravishda rivojlanib boradi va insonni o‘z ustida ishlashga imkon beradi. Eng asosiysi, siz ham ijod qilasiz, ham erkin bo‘lasiz”, – dedi Prezident ta’lim muassasalari agentligi direktori.Avvalroq prezident Shavkat Mirziyoyev vazirlik va idoralarga O‘zbekistonni mintaqaviy IT markaziga aylantirish vazifasini bergani xabar qilingandi. Shuningdek, mamlakatdagi IT xizmatlarining 90 foizi Toshkent shahriga to‘g‘ri kelishi bildirilgan.
Manba: Daryo.uz